Formule du renouvellement des vœux des Sœurs de la Visitation

0 C ieüx ! oyez ce que je dy ; que la terre escoute les propos de ma bouche. C’est à v ou s, ô J ésus mon Sauveur, à qui mon cœur parle encore que je ne sois que poudre et cendre. 0 mon Dieu ! je confirme et renouvelle de tout mon cœur les vœux que j ’ay faits à vostre divine Majesté, de vivre en perpetuelle chasteté, obeyssance, et pauvreté, selon la Regie de Sainct-Augustin, et les Constitutions de la Congrégation de Nostre-Dame de la Visitation, pour l’observation desquelles j ’offre et consacre à vostre divine Majesté, et à la sacrée Vierge Marie vostre Mere, Nostre-Dame, et à ladite Congrégation, ma personne et ma vie. Recevez-moy, ô Pere eternel! entre les bras de vostre trespitoyable Paternité, affin que je porte constamment le joug et le fardeau de vostre sainct service, et que je m’abandonne à jamais totalement à vostre divin amour, auquel derechef je me dedie et consacre. O tres-glorieuse, tres-sacrée, et tres-douce Vierge Marie! je vous supplie, pour l’amour et par la mort de vostre Fils, de me recevoir au giron de vostre protection maternelle. Je choysis J ésus mon Seigneur et mon Dieu, pour l’unique object de ma dilection. Je choysis sa saincte et sacrée Mere pour ma protection, et la Congrégation de céans pour ma perpetuelle direction. Gloire soit au Pere, et au Fils, et au Sainct-Esprit. Amen.