Règlement en forme de constitutions pour les Religieux de l’abbaye de Six

Vers le mois d’aoust 1604.

S. François de Sales ayant esté prié par deux Chanoines reguliers de l’abbaye de S ix, de l’Ordre do Saincl-Augustin, situé dans le Faucigny, qu’il daignast visiter leur monastere et reformast leurs Constitutions, la sainct Evesque, qui estoit toujours prest à faire le bien, s’y transporta le 24 septembre 1603, et assembla le chapitre avec l'Abbé. Ayant desdaré ses intentions, et les religieux ayant recognu le droict qu'il avoit de les visiter et corriger, il ordonna pour lors ce qu'il creut estre nécessaire et suffisant, en attendant que les circonstances lui permissent d'aller plus avant. L’Abbé, qui ne s’accommodoit pas de ses Reglemens, regimba contre luy et en appela comme d'abus au Sénat de Chambery, au commencement de l'année suivante 1604. Mais le sainct Evesque fit si bien valoir ses droicts, qu’il en demeura victorieux; c'est pourquoy, environ au mois d'aoust, il mit la derniere main à sa reforme par ces Reglemens, qu’il laissa par escrit.

Ce monastere des Chanoines de Sainct-Augustin estant sous nostre charge et juridiction, selon la réglé sacrée de l’ancien droict ecclesiastique; cognoissant que l’Abbé et les Chanoines desirent passionnément le restablissement parfaict de l’observance reguliere; nous devons et voulons y travailler, et affermir de tout nostre pouvoir, par l’nitervention de nostre authorité ordinaire, une œuvre si favorable. C’est pourquoy, après avoir veu, pesé et examiné toutes choses, nous avons dressé les Ordonnances et Constitutions suivantes.

1° Nous commandons tres-expressement que tout ce qui a esté marqué en nostre visite soit observé de poinct en poinct.

2° Si les novices cy-apres ne sont trouvez capables au bout de leur année, ils seront renvoyez, n’estoit qu’ils ne donnassent esperance de mieux faire dans quelque tems, et mesme dans une seconde année tout entiere, selon qu’il a esté jugé dans la Congrégation des Cardinaux.

3° Désormais on establira un religieux profez du mesme Ordre pour Prieur, et un Sous-Prieur qui puisse religieusement présider et faire observer exactement la Réglé, servant d’exemple aux freres, qui luy obeyront comme à leur pere. L’on commettra l’un des plus reguliers pour avoir soing des novices ; et tous les jours on leur lira le Catechisme du Concile de Trente, dont ils rendront compte; et ils seront instruicts par un autre religieux, destiné pour cela, de l’office des ceremonies, et autres devoirs de leur estât.

4° Tous les samedys, le Prieur, ou le Sous-Prieur en son absence, tiendra le Chapitre, où l’on lira un article des Réglés, corrigeant les manquemens qui seront faits contre elles, ou és offices, ou dans quelques actions et desportemens des religieux, enjoignant des penitences selon qu’il sera à propos.

5° S’il faut faire ou commander quelque chose de grande importance, et qu’il n’y ayt point de danger au retardement, le Prieur en conférera avec son Chapitre ; pour les difficultez qui ne pourront estre résolues par le Prieur ou le Chapitre, on aura recours à l’Evesque.

6° Tous les religieux prendront leur refection en commun. On fera la lecture tout le long du repas, d’une voix claire et intelligible, en observant les pauses, pour donner lieu de faire application à ce qu’on lit.

7° Il n’y aura point dans le Monastere de livres sans la licence du Prieur, qui prendra garde de n’en point recevoir de ceux qui sont deffendus par l’Eglise, ou de science curieuse et inutile; mais un nombre suffisant de spirituels, des cas de conscience, et de theologie. Les religieux liront et estudieront tous les jours au tems que la Réglé l’ordonne.

8° L’on prendra garde que toas les bastimens soient conformes à l’observance reguliere.

Enfin, nous asseurons de la bénédiction et protection de Dieu tous ceux qui embrasseront et prattiqueront avec amour ces Ordonnances, que le seul désir du regne de Dieu en vous, et l'amplification de sa gloire, me fait vous donner; esperant que, par l’accomplissement d’icelles, cette famille religieuse reprendra sa premiere splendeur, et respandra par tout la souëfve odeur dont elle a parfumé autresfois tout le pays. C’est la grâce, ô mon Dieu, que j ’attens de vostre miséricordieuse bonté, que je vous demande de toute l’estendue de mes affections, pour ces ames et pour celles qui doivent leur succeder.

Nota. Ce que le Sainct avoil ordonné dans sa visite estoit :

1° Que le nombre des religieux seroit de...... (1), selon l’ancienne institution.

2 ° Que l’on reciteroit TOffice divin selon Tusage du Concile de Trente, tant en particulier qu ’en public, et au chœur; que les Psalmes de la Penitence, à cause de leur coustume, pourroient estre recitez avant l’office du jour ; mais toutesfois que personne n’y seroit obligé hors du chœ ur, sinon en conséquence des rubriques du Breviaire du Concile de Trente.

3 ° Que tous les jours on celebreroit pour le moins quatre m esses, et en certains jours cinq.

(Il fit oster et brusler en des lieux d ecen ts, en des cloistres, de vieilles imaiges toutes rongées et vermoulues, qu ’il treuva à l'autel et près des formes.)

4° Que les murailles du monastere, les plus nécessaires pour la discipline religieuse, seroient restablies et fermées de deux portes seulement; que cependant les femmes n ’entreroient point dans l’enclos de l’abbaye, ou dans les limites des murailles ruynées.

5° Qu’il ne seroit permis à aucun des religieux, sous quelque pretexte que ce fust, de sortir désormais de l’abbaye sans la permission du Prieur, ny au Prieur mesme de le faire sans avoir auparavant advertí le plus ancien religieux, quoyqu’il ne fust pas tenu de luy demander permission ou de la prendre de luy.

(Il attendit, pour rétablir la table commune, que le Monastere eust les moyens nécessaires pour cet effect; et, pour faire prononcer les vœux expressement, qu’on fust d ’accord des Constitutions ; car auparavant c¿s religieux ne faysoient leurs vœux qu ’implicitement et tacitement.)

(4) Le nombre n’est pas spécifié.