Epistre dedicatoire à Son Altesse le duc de Savoye

de leur protecteur. Son dessein est de combattre pour l'honneur de la Croix blanche, qui est l'enseigne que Dieu a dès il y a long-tems confiée à la Serenissime Maison de Savoye, à laquelle, si la valeur chrestienne des devanciers n'eust acquis ce bon-heur, il luy seroit maintenant tres-justement deu, pour le sainct zele que Vostre Altesse a tousjours eu à la foy et à la mémoire de la Croix, mais particulièrement quand elle a procuré si vivement et tres-doucement le restablissement de la religion catholique en ses bailliages de Thonon et Ternier, se baignant dans un sainct ayse d'y voir partout replanter les saincts estendarts de salut. Dequoy si la mémoire se perdoit, la postérité seroit privée d'une des plus riches pièces des actions de npstre aage. Je sçay, Monseigneur, quelles raisons j'aurois pour n'oser pas offrir à uft si grand Prince un si petit ouvrage, comme est celuy-cy ; mais je n'ignore pas aussi le privilège des prémices, et me promets que le bon œil que Vostre Altesse a jette sur quelques-unes de mes autres actions ne me sera pas moins favorable en celle-cy, à laquelle je ne suis porté d'autre désir que d'estre tenu pour homme, qui est, qui doit et veut estre à jamais,

MONSEIGNEUR,

Tres-humble et tres-obeyssant serviteur et subjet de Vostre Altesse,

FRANÇOIS DE SALES.